الرئيس : لقد أصدرت قرار تعديل قانون الضرائب.
المواطن : هو حضرتك بتصدر قوانين بصفتك إيه في غياب مجلس الشعب؟
الرئيس : ما أنا جيت أرجَّع مجلس الشعب بأغلبيته الإخوانية و السلفية بقرار المحكمة الدستورية العُليا وقفت لي بالمرصاد و أيدت حكمها بحل المجلس.
المواطن : أنا فاكر إن الشعب و بالأخص الكتلة المدنية اللي دعمتك ما كانتش موافقة على قرار الحل و كانت مستعدة تقف
جنبك ؛ لأن دا مش اختصاص المحكمة الدستورية ، بس حضرتك قلت أنا بأحترم دولة القانون.
الرئيس : أنا جيت أحصَّن قراراتي بأثر رجعي علشان أرجَّع مجلس الشعب ، الدنيا قامت مظاهرات.
المواطن : دا علشان حضرتك عينت نائب عام جديد ولاؤه لك ، بمنطق الإخوان، في غياب مجلس الشعب و قلَّصت السُلطة القضائية و اعتبروا دا استيلاء على السُلطة.
الرئيس : على العموم ، الدستور اللي إنتَ هتوافق عليه بيمنح مجلس الشورى (صاحب الأقلية التصويتية) سُلطة التشريع لحين قيام مجلس الشعب.
المواطن : بس دا حضرتك مطروح للاستفتاء و لسه الشعب ما وافقش عليه.
الرئيس : إن شاء الله هيوافقوا ، المسألة كلها مسألة وقت ، هنقول لهم إن المعترضين بسبب المادة 219 اللي بتشرح تطبيق الشريعة ، و هنسيبهم يقوموا بالواجب.
المواطن : تمام أنا مقتنع ، بس من الناحية البروتوكولية لازم ننتظر رأي الناس علشان مجلس الشورى يستلم سُلطة التشريع .
الرئيس : لقد ألغيت قرار تعديل قانون الضرائب.
No comments:
Post a Comment